A Universidade de Santiago e o Concello de Padrón asinaron un convenio para ofertar o IV Ciclo do Programa “Camiños de Coñecemento e Experiencia” que comezará no mes de marzo nas dependencias do Centro Social do Concello, dirixido a persoas maiores de 50 anos.
A formación programada abrangue tres seminarios cada un deles dunha sesión de 90 minutos teórica de 17:00 a 18:30 horas no auditorio municipal e unha sesión práctica cunha saída.
O primeiro seminario será o 13 de marzo cunha temática máis científica como é o “Cambio climático, ou o que podemos perder” impartido por Xurxo Proupín Castiñeiras Profesor da USC da facultade de Físicas, cunha saída onde se reflicte o contido do seminario que será o 20 de marzo que neste caso será a estación da depuradora de augas residuais do Concello de Padrón
O segundo seminario o 23 de marzo é referido a área humanística“a relixiosidade da Idade Moderna a través dos exvotos do Santuario da Escravitude” impartido por Anxo Rodríguez Lemos, investigador e docente da Facultade de Xeografía e Historia da USC. A parte práctica deste seminario será unha visita ao Santuario a súa contorna e interior o 24 de marzo
O terceiro seminario será o 25 de marzo e ten por obxecto a área artística e en concreto a música impartida pola docente Dona Laura Touriñán Morandeira, investigadora e docente da USC. A parte práctica será a asistencia ao concerto “Bethoven: Ayer y hoy” no auditorio de Galicia en Santiago
Este programa pretende contactar ás persoas maiores coa formación Universitaria. Tanto aquelas que non puideron ir a universidade como as que foron e teñen inquedanzas universitarias.
O programa será totalmente gratuíto para o alumnado que debe realizar a matricula de inscrición no Centro Social do Concello de Padrón no departamento de maiores.
Aquí puedes consultar el programa completo.