-->

O Concello de Padrón aproba o proxecto de investimento do Executivo local para obras e servizos a través do POS + 2021

A corporación local do Concello de Padrón deu luz verde por unanimidade a proposta presentada polo Executivo local para investir os fondos provinciais do Plan Único de Concellos.

A Deputación provincial asignou ao Concello de Padrón un total de 416.285,95 euros para ás obras e servizos de competencia municipal. “Este é un investimento importante para o noso Concello que nos permitirá dar resposta ás demandas da nosa veciñanza e acondicionar diferentes espazos do noso municipio para mellorar a calidade de vida dos padroneses e padronesas. Este proxecto de inversión é froito da observación das necesidades da cidadanía no seu día a día”, declarou Antonio Fernández Angueira, alcalde de Padrón.

As obras que se van desenvolver con estes fondos son:

1.Acondicionamento interior da antiga Casa da Azucarera para destinala a Escola Municipal de Música (94.409,06 euros)

  1. Pavimentación camiño do Couto a Arretén (68.181,15 euros)
  2. Camiño en Sinde (Carcacía) e camiño en Pedroso (66.386,93 euros)
  3. Pavimentación e canalización pluviais no polígono industrial da Picaraña (32.518,07 euros)
  4. Pavimentación en núcleo de Vilar (Estramundi) (32.171,84 euros)
  5. Pavimentación camiños en Estramundi: Lamas e Agronovo (39.608,13 euros)

No Plan Complementario inclúense as seguintes actuacións:

  1. Afirmado e acondicionamento de pistas en Tarrio (94.775,62 euros)
  2. Afirmado e acondicionamento de pistas nas aldeas de Prada e Lamas (38.241,77 euros)
  3. Pavimentación travesía de Compostela a Luáns e canal Iria Estramundi (59.971,30 euros)
  4. Camiño Cruces-Bascuas e camiño na Escravitude (Cruces) (57.000,46 euros)

Un total de 35.779,81 euros da achega provincial destinarase ao financiamento de gastos correntes.

Gasto social

Pola súa banda, a aportación provincial asignada aplicada ao financiamento dos gastos sociais extraordinarios ascende a máis de 120.000 euros para este exercicio, tendo en conta o que se multiplicou a demanda dos servizos sociais nestes meses por mor da pandemia global da Covid-19.

Con estes fondos poderase reforzar o persoal tanto técnico como administrativo adscrito a este departamento para apoiar os equipos actuais, e facilitar a tramitación urxente das prestacións obxecto deste plan.

Asemade, vanse a ampliar e dotar as partidas destinadas a garantir ingresos suficientes ás persoas soas ou familias, maiores, persoas con diversidade funcional, mulleres en risco de exclusión ou vítimas de violencia de xénero, con baixos ou nulos ingresos económicos, mediante axudas económicas para asegurar a cobertura das necesidades básicas: vivenda, alimentación, electricidade, gastos médicos ou farmacéuticos, transporte, que favorezan a integración.

Nesta partida tamén se inclúen axudas as familias para gastos que faciliten a escolarización, material informático, acceso aos medios dixitais valoradas polos profesionais dos servizos sociais comunitarios. Ao igual que o reforzo do servizo de axuda a domicilio –cada vez máis demandado-, o reforzo dos servizos e axudas económicas, axudas para persoas sen fogar, e adquisición de medios de prevención contra a Covid-19 destinados exclusivamente aos profesionais dos servizos sociais e persoas usuarias dos programas que non conten con medios para adquirir os mesmos.

 

PadronCaminoEDestino

Contacto

Pode contactar co Concello de Padrón a través dos seguintes medios:

  • Enderezo: Rúa Longa, 27 - 15900 Padrón
  • Teléfono: (+34) 981 810 451
  • Correo electrónico: correo@padron.gal

Outros sitios web de interese

 
 
App Padrn removebg preview
 
Descarga a App de Turismo de Padrón.
Top

Aviso legal - Política de privacidade - Política de cookies - Máis información sobre as cookies

Ligazón temporal á antiga páxina web

Este sitio web utiliza cookies para que vostede poida ter a mellor experiencia de usuario/a. Se segue a navegar está a dar o seu consentimento para a aceptación das mencionadas cookies e da nosa Política de Cookies. Detalles…