21 de xuño de 2022
Queda publicada a lista de admitidos e admitidas para o campus deportivo 2022. Pódese consultar a información para ambas quendas no documento adxunto.
Descarga aquí a lista de admisión do Campus Deportivo (PDF)
25 de maio de 2022
O Concello de Padrón organiza o Campus Deportivo 2022, dirixido ás rapazas e rapaces nados entre 2007 e 2016, ambos incluídos. Este conxunto de actividades abrangue fútbol sala, natación, ciclismo e baloncesto, entre outros, que serán impartidas no Pavillón Grupo Escolar, a piscina da Escravitude e o parque de entretementos Galipark.
O Campus se realizará en dúas quendas, sendo a primeira entre o 27 de xuño e o 12 de xullo e a segunda do 13 ao 29 de xullo. O custo é de 20 euros por participante, con descontos para irmáns se participa máis dun, e a inscrición poderá realizarse entre o 6 e 12 de xuño para as persoas empadroadas no Concello de Padrón, abríndose a todo o público do 13 ao 19 de xuño. Os interesados deberán entregar no rexistro do Concello a ficha de inscrición cuberta e asinada polos seus titores legais, así como o DNI do solicitante e o libro de familia; este último só no caso da matrícula reducida para irmáns.
Recoméndase o uso de roupa deportiva, gorra, crema solar e auga en todas as xornadas, ademais da roupa de baño, chanclas e toalla para as actividades de auga. Para as actividades de ciclismo o participante debe levar a súa propia bicicleta e casco.
Descarga aquí a ficha de inscrición no Campus Deportivo (PDF)
Descarga aquí a información do Campus Deportivo (PDF)