• 400 persoas competiron na proba absoluta e outras 300 nas diferentes categorías escolares  ||  

• O Club Atletismo Sar revalida o título como club con maior participación  ||  

• Martina López Gestal e Martín Lestido foron os mellores padroneses na proba, e Fernando Sainz o máis veterano, con 76 anos  ||  

Padrón encheuse esta mañá de afeccionados ao atletismo para aplaudir aos 700 corredores e corredoras que participaron na XLV Carreira de Pascua en todas as categorías. Os gañadores da proba absoluta foron Emma Méndez Martínez (46:38), da Escuela Atlética Lucense, e Iñaki Pena-Manso Carral (43:43). A mellor atleta padronesa volveu ser Martina López Gestal, que subiu ao podo local acompañada por Martín Lestido, mentres que o trofeo ao atleta máis veterano foi para Fernando Saiz, do Atletismo Sar, club que revalidou o premio por contar co maior número de atletas participando.

A proba celebrouse na mañá deste sábado 4 de abril e converteuse nunha auténtica festa do atletismo localMesmo houbo tempo para cantarlle o ‘cumpleanos feliz’ a un dos atletas que estaba hoxe de aniversario

O alcalde de Padrón, Anxo Arcae eo concelleiro de Deportes, Luis Mariño, entregaron os trofeos ás persoas gañadoras nas distintas categorías.

Na proba absoluta feminina, Emma Méndez (46:38) impúxose con claridade a Soledad Leiro (53:45) e a Raquel Fernánez (55:03).

Na proba absoluta masculina os tempos estiveron máis axustados. Iñaki Pena-Manso necesitou 43:43 minutos para percorrer os 13,3 quilómetros, e cruzou a meta por diante de Pablo Carnero (44:11) e Jordi Carrasco (44:23).

O atleta máis veterano en completar a carreira foi Fernando Sainz, do Club Atletismo Sar, que aos seus case 76 anos segue a demostrar a súa paixón polo atletismo.

Os mellores atletas locais na Carreira de Pascua foron Martina López Gestal (56:51) e Martín Lestido Rey (44.46)

Na clasificación por clubs, o C.A. Sar volveu ser o equipo con maior número de participantes e acadou tamén o primeiro posto como mellor conxunto, por diante da SD Compostela e do Club Atletismo Brión Hyupersa.