O alcalde de Padrón, Antonio Fernández Angueira, e o concelleiro de Emerxencias, Ángel Rodríguez Conde, recolleron hoxe en Riveira un equipo de excarceración para ser utilizado polo Grupo de Emerxencias Supramunicipal (GES) que dá servizo tamén aos concellos de Dodro e Rois. Á entrega deste equipamento de emerxencias asistiron por parte da Xunta de Galicia o director xeral de Emerxencias e Interior, Luis Menor, e o delegado territorial na provincia da Coruña, Ovidio Fernández Rodeiro, que tamén aportaron remolques de emerxencias e outro material a outros oito concellos da provincia. O equipo de excarceración recibido polo Concello de Padrón…

  O alcalde de Padrón, Antonio Fernández Angueira, o director de Filatelia de Correos, Modesto Fraguas Herrera, e a subdirectora da Fundación Camilo José Cela, Covadonga Rodríguez, presentaron hoxe no Auditorio Municipal un selo adicado á lembranza do centenario do nacemento (1916 - 2016) do Premio Nobel padronés. Na súa intervención, o rexedor local agradeceulle a Correos a emisión deste selo centrado en Camilo José Cela porque contribúe a "ensalzar e proxectar aínda máis o recordo dun escritor irrepetible e os seus vínculos con esta terra". Na súa opinión, esta acción "axudará tamén a que a xente se achegue ata…

  Con motivo da celebración do Día Internacional da Eliminación da Violencia contra as Mulleres, os concellos de Padrón, Rois e Dodro unimos a nosa voz, en representación de toda a cidadanía, para amosar unha vez máis a nosa repulsa por todas e cada unha das manifestacións da violencia machista. A pesares dos avances acadados entre todos nesta loita común, na sociedade actual aínda se seguen a vulnerar todos os días os dereitos fundamentais das mulleres, non só cos covardes asasinatos que vemos a cotío nos medios de comunicación senón tamén a través doutros moitos detalles de menor impacto que,…

  A concelleira de Turismo de Padrón, Lorena Couso, anuncia que técnicos do Departamento de Turismo participarán no II Fórum do Camiño de Santiago "Fairway", que se celebra desde mañá ata o martes no Palacio de Congresos e Exposicións de Santiago, para promocionar o Camiño Santiago-Padrón. A copla popular "Quen vai a Santiago e non vai a Padrón, ou fai romaría ou non" é un dos lemas empregados por Turismo de Padrón nos novos folletos promocionais deste itinerario que pretende reforzar o protagonismo da capital do Sar como "berce do Xacobeo". Este material promocional lembra que desde a Idade Media…

  O alcalde de Padrón, Antonio Fernández Angueira, anunciou hoxe nun acto organizado na Casa dos Capeláns con motivo da finalización das obras de rehabilitación que o uso deste inmoble que forma parte do conxunto histórico da Colexiata de Iria Flavia será "cultural e turístico" e avanzou a súa intención de implicar á Consellería de Cultura para dotalo de contido. Fernández Angueira puxo a restauración da Casa dos Capeláns como "exemplo dunha xestión política transversal ao longo do tempo e dunha fructífera colaboración entre entidades e institucións públicas". Por unha banda, o Arcebispado de Santiago contribuíu a facer posible a…

  O Concello de Padrón estreou esta mañá a renovación da súa páxina web, www.padron.gal, coa finalidade de convertela nunha ferramenta "máis atractiva desde o punto de vista estético", pero, sobre todo, "para que sexa máis operativa e funcional para os cidadáns deste concello e para os milleiros de persoas que nos visitan cada ano". Segundo indicou o rexedor local, Antonio Fernández Angueira, a mellora da presenza do Concello de Padrón na Rede "era unha das eivas que arrastrabamos desde hai tempo e que a partires de hoxe queda solucionada". Neste senso, destacou que a nova páxina web, que se…

  O alcalde de Padrón, Antonio Fernández Angueira, e o presidente da Asociación Galega de Formación Permanente de Adultos (Ategal), Ángel Faílde Trabada, asinaron onte un convenio de colaboración para potenciar o desenvolvemento do programa de envellecemento activo "Aulas Senior" no curso 2017/2018. En virtude do acordo subscrito, o Concello de Padrón aportará 3.000 euros para facer posible a celebración das diferentes actividades programadas por Ategal, que se levarán a cabo ata maio de 2018. Estas "Aulas Senior" de Padrón, que cumprirán 25 anos o vindeiro curso, son un referente no eido do envellecemento activo para toda Galicia, posto que…

  O Concello de Padrón vén de finalizar a elaboración do Plan de Acción de Turismo 2017/2022, que recolle as estratexias xerais e as liñas de traballo concretas a seguir para "reforzar o sector do turismo como un eixo estratéxico da economía local". Así o comunicou hoxe a concelleira de Turismo, Lorena Couso, que salientou que "moi poucos concellos de características poboacionais semellantes a Padrón dispoñen dunha folla de ruta tan traballada e minuciosa para avanzar na planificación turística a medio prazo". Lorena Couso destaca que o proceso de elaboración do plan caracterizouse por ser "moi participativo", xa que incorpora…

  O alcalde de Padrón, Antonio Fernández Angueira, e a concelleira de Turismo, Lorena Couso, recibiron esta mañá no salón de plenos do consistorio a máis de 120 expedicionarios da Ruta Quetzal que están a gozar dunha estancia de tres días en Galicia e que aproveitaron a ocasión para realizar unha visita guiada por Padrón e para coñecer a Casa-Museo de Rosalía de Castro. Este numeroso grupo, formado por participantes dalgunha das viaxes organizadas pola Ruta Quetzal, está coordinado por Íñigo De la Cuadra Salcedo, fillo do promotor deste coñecido programa de formación e aventura, Miguel de la Cuadra Salcedo,…

  O concelleiro de Servizos Básicos de Padrón, Javier Guillán, anunciou hoxe que ao longo das vindeiras semanas mellorarase substancialmente a recollida selectiva de lixo coa colocación de 140 novos colectores: 20 para papel e cartón, 20 para vidro e arredor dun cento para a denominada bolsa amarela (plásticos, briks e envases metálicos). Javier Guillán sinala que, con este "importante incremento" do número de colectores destinados á recollida selectiva, o goberno local pretende "darlles a todos os padroneses maiores facilidades para que poidan implicarse e colaborar aínda máis na xestión selectiva dos residuos". "É preciso seguir mellorando os resultados da…