O Concello de Padrón encende hoxe ás 20.00 horas o alumeado de Nadal nas rúas da vila e comeza a desenvolver un programa de dinamización destas festas que inclúe unha vintena de actividades entre actuacións musicais, obras de teatro, competicións deportivas, xogos infantís, actividades relacionadas co consumo, accións culturais e iniciativas de promoción da igualdade, ademais da tradicional conmemoración da Traslatio o día 30 de decembro. Nesta dinamización do Nadal por parte do concello implícanse as concellarías de Cultura, Turismo e Festexos e tamén a Oficina Municipal de Voluntariado (OMV). Concretamente, no caso da OMV o domingo 16 celebrará…

  O xurado do XXIX Premio Literario Camilo José Cela acordou hoxe na reunión celebrada no salón de plenos do consistorio padronés outorgar o galardón deste concurso de narrativa ao autor leonés Miguel Paz Cabanas polo relato titulado "Algunas canciones solo suenan al oscurecer", centrado nos límites da cordura. O premio está dotado cunha achega económica de 1.500 euros e cunha estatuiña do Nobel padronés. O xurado valorou do texto gañador "o tratamento innovador dun tema clásico que ten o seu soporte na ambigüidade e na riqueza léxica empregada polo autor". Ademais, destacou que "a estrutura do conto apóiase na…

  O alcade de Padrón, Antonio Fernández Angueira, e o presidente da Asociación de Persoas Xordas de Santiago de Compostela (APSSC), José Antonio Pais Freire, asinaron esta tarde un convenio de colaboración entre ambas entidades coa finalidade de favorecer a integración social das persoas xordas, xordocegas e con discapacidade auditiva. Os asinantes puxeron de manifesto que a comunidade de xordos en Padrón é de alomenos 16 persoas, unha cifra que se incrementa ao contabilizar aquelas que residen na contorna ou que acoden a miúdo á vila padronesa a realizar xestións ou utilizar distintos servizos públicos e privados. Por este motivo,…

  O alcade de Padrón, Antonio Fernández Angueira, e os demais concelleiros do goberno local iniciarán este venres 9 de novembro unha rolda de oito reunións nas parroquias do rural para abordar diferentes asuntos de interese coa veciñanza de cada zona. O primeiro encontro está previsto este venres, a partires das 20.30 horas, no local social de Pazos. Segundo indicou o rexedor local, con estas oito reunións programadas ao longo do mes de novembro preténdese darlle continuidade á "experiencia positiva e enriquecedora" iniciada o ano pasado de achegarse a cada parroquia do rural para abordar "in situ" as necesidades e…

  O alcalde de Padrón, Antonio Fernández Angueira, e o presidente das Aulas Senior de Galicia (Ategal), Ángel Fagilde Trabada, asinaron en días pasados a renovación do convenio de colaboración en virtude do cal o goberno padronés concédelle a Ategal unha nova achega económica de 3.000 euros e mantén a cesión das instalacións onde desenvolve a súa actividade. As Aulas Senior de Galicia en Padrón traballan no Centro Social municipal desde hai case 25 anos en colaboración co concello, que ademais de ceder as instalacións e conceder unha axuda económica, tamén aporta funcionariado para algunhas das actividades e cursos que…

  Representantes das concellarías e dos departamentos municipais de Turismo de Padrón, Ames e Brión mantiveron onte unha reunión de traballo no Centro Social padronés para abordar a estratexia de colaboración a seguir para potenciar os atractivos e a proxección da Ruta Rosaliana coa finalidade de captar novos fluxos turísticos. Á espera de que o Concello de Santiago poida sumarse tamén a esta nova fase de potenciación da Ruta Rosaliana, os representantes municipais de Padrón, Ames e Brión acordaron acollerse a liñas de subvencións para solicitar achegas que permitan incrementar a sinalización dos diferentes lugares que percorre dita ruta. Ademais,…

  O alcalde de Padrón, Antonio Fernández Angueira, e a concelleira de Cultura, Lorena Couso Dopazo, entregáronlle no serán de onte o XVII Premio de Interpretación Teatral "Maruxa Villanueva" ao titiriteiro e actor redondelano Eduardo Alberto Rodríguez Cunha, máis coñecido artisticamente como Tatán. Cómpre lembrar que é a primeira vez que un titiriteiro recibe este premio, que foi creado en 2001 polo Concello de Padrón para potenciar e recoñecer o labor das persoas vinculadas ás artes escénicas e para homenaxear a figura de Maruxa Villanueva, gardesa da casa de Rosalía de Castro durante moito tempo. Nesta edición, o xurado que…

  O concelleiro de Emerxencias de Padrón, Ángel Rodríguez Conde, fíxolle entrega ao Grupo de Emerxencias Supramunicipal (GES) de dous traxes de protección individual (EPIS) aportados pola Axencia Galega de Emerxencias (Axega) ao Concello de Padrón para loitar contra as vespas velutinas. Este equipamento foi concedido pola Axega en virtude dun convenio de colaboración asinado a finais de setembro polo alcalde, Antonio Fernández Angueira, co vicepresidente da Axega, Luis Menor. Ángel Rodríguez Conde salienta que "esta dotación de equipamento de protección mellora as condicións de traballo dos efectivos do GES", que no que vai de ano levan retirados un total…

  O alcalde de Padrón, Antonio Fernández Angueira, e o concelleiro de Obras, José Ramón Pardo, supervisaron hoxe os traballos de execución do proxecto de pavimentación da avenida de Pontecesures, que está a acometer a empresa Construcciones Ramón Vázquez y Reino e que supoñen un investimento superior aos 40.000 euros. Esta actuación, que afecta a dous treitos da avenida de Pontecesures, contempla a reparación dos baches e a mellora da capa de rodaxe con aglomerado en quente, a limpeza de gabias para facilitar a drenaxe e a sinalización horizontal. Por outra banda, dito proxecto inclúe tamén a instalación dunha pasarela…

  As tarefas de mantemento e reparación que Augas de Galicia comezará a realizar o vindeiro luns no dique da canle do río Sar obrigarán a curtar durante tres semanas un treito da travesía de Iria -pista este da canle-. Así llo confirmaron técnicos de Augas de Galicia ao rexedor local, Antonio Fernández Angueira, e ao concelleiro de Obras, José Ramón Pardo, durante a visita realizada a varias zonas nas que o goberno local agarda a intervención do organismo autonómico. Entre os puntos visitados atópanse os regatos de Abelendas, en Iria, e de Cambelas, en Pazos, nos que, en resposta…