A campaña ‘Vive Padrón’ arranca o 1 de xullo cun concurso nas redes sociais, concretamente a través de Instagram. Trátase dunha iniciativa que pretende impulsar o turismo e comercio local, ao mesmo tempo que se erixe coma unha proposta sostible. O concurso invita ás persoas participantes a compartir un selfie no seu perfil persoal de Instagram, a fotografía pode ser individual ou grupal. O requisito imprescindible é que a imaxe sexa tomada nun dos recursos culturais, patrimoniais, etnográficos, naturais ou gastronómicos de Padrón. Para consolidar a participación haberá que etiquetar a conta de instagram de @padronturismo, empregar o hashtag #VivePadrón…

‘Te llamaré Matrioska’ é o título da obra gañadora do Concurso de Narrativa do Premio Literario Camilo José Cela que outorga o Concello de Padrón neste 2021. O autor é Miguel Sánchez Robles, que conta cunha importante obra literaria pola que obtivo grandes recoñecementos literarios a nivel nacional e internacional como, por exemplo, o Premio ‘Javier Torneo’ da Universidade Rey Juan Carlos de Madrid, o Premio Torrente Ballester de narrativa no 2019 ou o Premio Internacional de poesía “Claudio Rodríguez”, entre moitos outros. A concelleira de Cultura, que exerceu de presidenta do xurado, destacou que “todas as obras presentadas neste…

O Concello de Padrón presenta o novo programa de conciliación para o verán, ‘Concilia Verán 2021’, que terá lugar ao longo do mes de xullo en horario de 08:00 a 14:30 horas. O prazo para inscribirse ábrese o vindeiro 17 de xuño e estará aberto ata o día 22 de xuño. O programa está dirixido a nenos e nenas de entre 3 e 12 anos de idade. O departamento de Servizos Sociais organizou dúas quendas, a primeira entre o 1 e o 15 de xullo e a segunda entre o 16 e o 30 de xullo. O prezo por quenda…

O Concello de Padrón inaugura o venres 18 de xuño unha nova exposición fotográfica na rúa, ‘A rede visible’, que organiza o CIM de Padrón con motivo da celebración do Día Internacional polos dereitos do colectivo LGTBI, o vindeiro 28 de xuño. A exposición componse de 16 paneis verticais de vinilo con imaxes de mulleres galegas reais. A mostra articulase co obxectivo de dar visibilidade ás mulleres bisexuais, lesbianas ou trans. As mulleres desta exposición amosan con orgullo a súa diversidade e a súa vida en tódolos eidos alén dos prexuízos ou das expectativas alleas.  Segundo denuncian dende a Asociación…

A concellaría de Deportes do Concello de Padrón presenta a nova edición do Campus Deportivo de Verán, que nesta ocasión terá lugar entre o 28 de xuño e o 31 de xullo. Trátase dunha actividade para nenos e nenas de entre 6 e 15 anos. A concelleira de Deportes, Lorena Couso, explicou que “a organización destas actividades contribúen a favorecer e facilitar a conciliación da vida laboral e persoal das familias de Padrón, polo que consideramos moi importante manter estes proxectos, tendo en conta en todo momento as medidas de seguridade sanitarias”. As prazas son limitadas e o período para…

A concellaría de Turismo do Concello de Padrón organiza unha novidosa actividade en relación coa celebración da noite de San Xoán. O 23 de xuño ás 12:00 horas realizarase unha ruta dende Santiaguiño do Monte para afondar nas propiedades das plantas e herbas de San Xoán. A experiencia estará dirixida por Rosalía Bermúdez, experta en herbas medicinais. A través dun paseo interactivo con todas as persoas participantes e no que se fomentará o respecto ás plantas, a guía vai explicar cales son as propiedades curativas destas herbas, cales son os rituais e as tradicións que se asocian a esta data…

O vindeiro 18 de xuño o Auditorio Municipal do Concello de Padrón acollerá a mostra ‘Museo en Camiño’, deseñada polo Museo de Pontevedra e o programa ‘O teu Xacobeo’ da Xunta de Galicia. O obxectivo desta exposición itinerante é dar a coñecer os fondos da institución museística de Pontevedra e afondar no espírito Xacobeo nos municipios do Camiño Portugués. Así, Padrón é un dos destinos desta mostra, que percorrerá entre os meses de abril, maio e xuño dez localidades -Tui, Ribadelouro, Redondela, Cesantes, Arcade, Barro, Caldas de Rei, Valga e Pontecesures-. A  concelleira de Cultura, Lorena Couso, destacou “a oportunidade…

O Concello de Padrón retoma este verán a actividade de ximnasia de mantemento para as persoas usuarias da Aula Senior. As sesións terán lugar entre o 15 de xuño e o 30 de xullo, todos os luns e mércores de 09:00 a 10:00 horas no pavillón do Souto. Asemade, tamén se organizan Camiñatas Saudables os martes e venres dos meses de xuño e xullo con saída ás 09:00 horas dende o campo do Souto. As dúas actividades son gratuítas e o período para inscribirse ábrese o vindeiro luns 7 de xuño a través de ATEGAL Padrón no Centro Social do…

‘Vive Padrón’ é a nova campaña de promoción desenvolta polo departamento de Turismo do Concello de Padrón. Trátase dunha iniciativa que pretende impulsar o turismo e comercio local, ao mesmo tempo que se erixe coma unha proposta sostible. A través de ‘Vive Padrón’ todos os establecementos hostaleiros da vila que o soliciten recibiran manteis individuais en formato A3 cun orixinal deseño dun plano da localidade no que se resaltan os principais atractivos turísticos do municipio. Para recibir este deseño, os responsables dos distintos establecementos terán que enviar un correo electrónico a Este enderezo de correo está a ser protexido dos robots de correo lixo. Precisa activar o JavaScript para velo. manifestando o seu interese. Santiaguiño do Monte, o…

A corporación local de Padrón deu hoxe a benvida a nova concelleira do Concello de Padrón, María del Carmen Bustelo Rial, que xurou o cargo nunha sesión plenaria extraordinaria. A nova concelleira asegura comezar esta etapa “con moita ilusión e con moitas ganas de afrontar novos retos en beneficio da cidadanía a que representa”. O rexedor de Padrón, Antonio Fernández Angueira, deseoulle “grandes éxitos no desenvolvemento da súa labor como concelleira do equipo de goberno, xa que os seus logros serán os de Padrón” e púxose a súa disposición para todo o que precise, especialmente, neste período inicial. Dende o…